D'Equipe vu makedra.lu proposéiert hier theaterpedagogesch Formatioun 2022-2023 am Süden, am Norden an am Zentrum vum Land.

Et geet drëm ze léieren, wéi ee ganz konkret an einfach mat Materialie vu makedra.lu an der Klass schaffe kann: Theater spillen, een Theaterstéck produzéieren oder den Theater notze fir an anere Fächer a Beräicher villfälteg Léierziler unzestriewen.

Dës flott Zesummenaarbecht erlaabt et der/dem Participant/e a senger/hierer Wunngéigend un dëser Formatioun deelzehuelen a sou ee flotten theaterpedagogeschen Nomëtten an engem vun den 3 Kulturhaiser erliewen ze kënnen.             

Regioun Süden

• 28. Februar 2023 / 14:00 bis 17:00 Auer
• Aalt Stadhaus (Déifferdeng)
• Umeldung ënnert dësem Link

Regioun Norden

• 21. Mäerz 2023 / 14:00 bis 17:00 Auer
• Cube 521 (Maarnech)
• Umeldung ënnert dësem Link

Regioun Zentrum

• 27 Juni 2023 / 14:00 bis 17:00 Auer
• Mierscher Kulturhaus
• Umeldung ënnert dësem Link