Och am Schouljoer 2026-2027 stinn erëm e ganze Koup interessant Projeten am Beräich vun der Bildung fir nohalteg Entwécklung (BNE) um Programm:

• Um 'BNE Networking' den 12. Januar 2027 am Forum Geesseknäppche stellen ONGen, Verwaltungen, Schoulen, Maisons Relais a Jugendhaiser hir pädagogesch Offeren am Beräich vun der BNE op engem interaktive Stand vir. Donieft fanne guidéiert Austauschmomenter zu de verschiddensten BNE-Theme statt.
• De 'BNE Training' bitt Enseignanten/Enseignanteën an Educateuren/Educatricen d’Méiglechkeet, dat ganzt Joer iwwer un zertifizéierte Formatiounen an Hospitatiounen zu den ënnerschiddlechsten Themeberäicher aus der BNE deelzehuelen.
• Mam 'BNE Youth' proposéiere mir erëm vill interessant pädagogesch Aktivitéiten (Workshops, Visitten, Rallyen, Escape Games, Expoen, etc.) fir Kanner a Jugendlecher am ganze Land.
• Dëst Schouljoer dréien sech d’'BNE Awards' ëm de Sustainable Development Goal 12 (SDG12) 'Responsible consumption and production'. Bei dësem Concours kënne Jonker tëschent 6 a 25 Joer hir kreativ Projeten an d‘Ëffentlechkeet bréngen an dobäi flott Präisser an Auszeechnunge gewannen.
• De 'BNE Supply' bitt edukative Strukture finanziell Ënnerstëtzung bei der Ëmsetzung vun nohaltege Projeten (kleng Infrastrukturen, Materialien, Eventer, etc.).

Méi detailléiert Informatioune grad esou wéi den Aschreiwungsformulaire fannt Dir op www.bne.lu.