Fir d'Schouljoer 2022-2023 si follgend 'MathemaTIC'-Formatiounen an Evenementer geplangt:

• De 'MahleTIC Kapprechnen-Challenge' vum 12. bis de 14. Oktober 2022 mat flotte Präisser fir d'Klassen déi matmaachen
• E-Formatiounen an Zesummenaarbecht mam Institut de formation de l'Éducation nationale (IFEN) op Moodle:
   
  • Starter
  • Cycle 3
  • Cycle 4
  • Voie de Préparation
  • Enseignement secondaire général (ESG)/ Enseignement secondaire classique (ESC)
  • PLC fir 'MathemaTIC'

Fir weider Informatioune kënnt Dir Iech beim 'MathemaTIC'-Team op der Telefonsnummer 247-75249 oder per E-Mail ënnert mathematic@script.lu mellen.

Zanter 2015 ass d'Léierplattform www.mathematic.lu fir all Schülerinne/ Schüler an Enseignanteë/ Enseignanten zu Lëtzebuerg iwwert hiren IAM-Zougang gratis verfügbar.

D’Plattform riicht sech u Schülerinne/ Schüler aus de Cyclen 3 a 4 vun der Grondschoul, de Klasse vun der Voie de Preparation an de Klasse vum Cycle inférieur am Lycée.

'MathemaTIC' ass en interaktiven, digitalen a méisproochege Léierprogramm, deen op d'Bedierfnesser vun de Schüler ugepasst ass. Den Inhalt entsprécht de Kompetenze vun de Léierpläng vun der Grondschoul a vun de Lycéen zu Lëtzebuerg.

Déi verschidde Funktiounen op mathematic.lu erméiglechen den Enseignanteë/ Enseignanten hire Mathésunterrecht ze differenzéieren, spezifesch op d'Bedierfnesser vun de Schülerinne/ Schüler ze reagéieren an domat hir Motivatioun ze steigeren.