Zanter 2015 ass d'Léierplattform MathemaTIC.lu fir all Schülerinnen/ Schüler an Enseignanteën/ Enseignanten zu Lëtzebuerg, déi en IAM-Zougang hunn, gratis verfügbar.

D’Plattform riicht sech u Schülerinnen/ Schüler aus de Cyclen 3 a 4 vun der Grondschoul, de Klasse vun der Voie de préparation an de Klasse vum Cycle inférieur am Lycée.

'MathemaTIC' ass en interaktiven, digitalen a méisproochege Léierprogramm, deen op d'Bedierfnesser vun de Schülerinnen/ Schüler ugepasst ass. Den Inhalt entsprécht de Kompetenze vun de Léierpläng vun der Grondschoul a vun de Lycéen zu Lëtzebuerg.

Déi verschidde Funktiounen op MathemaTIC.lu erméiglechen den Enseignanteën/ Enseignanten hire Mathésunterrecht ze differenzéieren, spezifesch op d'Bedierfnesser vun de Schülerinne/ Schüler ze reagéieren an domat hir Motivatioun ze steigeren.

Formatiounen an Eventer fir d'Schouljoer 2023-2024

• 'MahleTIC Kapprechnen-Challenge' vum 11. bis de 13. Oktober 2023 mat flotte Präisser fir d'Klassen
• E-Formatiounen an Zesummenaarbecht mam Institut de formation de l'Éducation nationale (IFEN) op Moodle: Starter, Cycle 3, Cycle 4, Voie de Prépartation, ESG/ ESC, PLC fir Mathematik

Fir weider Informatioune mellt Iech w.e.g. beim Team vu 'MathemaTIC' um 247-75249 oder per E-Mail: mathematic@script.lu.