Am Kader vun der 'Summerschool 2024' proposéiert de SCRIPT thematesch Dossieren, déi fir d’Sproochen an d’Mathematik vun de Klassen aus dem Cycle 2.1 bis 4.2 vum Enseignement fondamental a fir d'Klasse vu 7e bis 4e vum Enseignement secondaire entwéckelt goufen.

Dës sollen et de Schülerinnen a Schüler erlaben, eventuell Lacunne wärend der Summervakanz opzeschaffen.

D’Dossiere si vum 15. Juli bis de 15. September 2024 op www.summerschool.lu zougänglech. Den Accès ass mat Hëllef vum IAM vum Schüler méiglech. Fir all Dossier gëtt et och Modellkorrekturen an esou kënnen se onofhängeg oder mat Hëllef vun den Elteren zu all Moment an der Schoulvakanz benotzt ginn.

D’Widderhuelungscourse vun der ‘Summerschool’ baséieren och op dësen themateschen Dossieren. Dës Course ginn vum 3. bis den 13. September fir d’Schülerinnen a Schüler aus der Grondschoul a vum 2. bis den 13. September fir d’Schülerinnen a Schüler aus dem Lycée ugebueden. 

Detailléiert Informatiounen iwwert de prakteschen Oflaf vun der ‘Summerschool’ sinn ënnert dësem Link ze fannen.